வயிற்றை அழுத்தும் சிசு

கல்லாய் கனக்கிற மார்பகங்களை

கையிலேந்தியபடி கதறுவாய்

'முக்கு முக்கு

முக்கித் தள்ளு '

ஒரு மகப்பேறு மருத்துவரும்

கிழட்டு தாதியும்

அறைக்கு வெளியே உன்

அன்பான கணவன்

ஆவல் மிக்க காலடியோசைகள்

'முக்கு முக்கு

சிக்கிரம்'

அதட்டல் தொடரும்

உன் கண்களில்

மின்னல் தெறிப்புரும்.

கன்னப் பொருத்துகள் நடுக்கமுறும்

அகல விரித்த கால்கள் விறைக்கும்

இடுப்பு சரிவு அடிவயிற்றையும் மீறி

தொடைகளில் நடுவிநூடாக uyirai

உயிரை பிளக்கிற

வலிப்பு சுழி

உதடுகளை தின்கிற பற்களை மீறி

ஓலைமிட்டழும் உன் குரல்

இனி

தொடை நடுவு கிழிபடும்

உன்

இத்தனை நாளைய

சுமப்பும் நோவும்

வேதையுடனான வீறிடளும்

அர்த்தமிழந்து போக

வெறும் ஆவலுடனான

பாத சரசரப் ஒன்றே

முதன்மையுரும் வகையில்

உன்

தொடைகளின் நடுவே

ரத்த வெள்ளத்தில்

ஜனிக்கும்

உன்

சிசு.

பற்றற்று வாழ

பழகிக்கொள்

ஞானிகள் துறவிகள்

உபதேசிக்கிறார்கள்

அவர்களை

சந்திக்கும் வரை

கேலியாய் தெரிந்தது

உபதேசம்.

நேசிப்புக்கு பிறகான

வாழ்க்கை உணர்த்துகிறது

பற்றற்று

வாழ மட்டுமல்ல...

சாகவும் பழகிக்கொள்.